Kingornussassiornerni Mælkebøttecenteri kingornussisussanngortikkusukkukku qulakkiissavat nunatsinni meeqqat inuusuttuaqqallu sumiginnakkat uatsinniit sullinneqartuarnissaat. Kingornussisussanngortitsinerit allanngueqataassaaq!

Kingornussisussanngortitsinerit qanoq sunniuteqassava?

Immikkoortortagut pillugit suliniutigullu pillugit allaaserisat maani nittartakkami nassaarisinnaavatit. Immikkoortortagut ukuupput:

  • Meeqqat Inuusuttullu illuat Mælkebøtti (Inneruulaq), marlunnik immikkoortortaqartoq: Meeqqanut tamanut sunngiffimmi ornittagaq taavalu ulloq unnuarlu angerlarsimaffik, meeqqanut qulaaluanut inissaqartoq, uani atuarsinnaavat
  • Najugaqarfik Ilasiaq, uani takuuk
  • Najugaqarfik Allu, uani takuuk
  • Meeqqat iggaviat, uani takuuk

Immikkoortortagut suliniutigisagullu tapersersornerisigut, assersuutigalugit makku tapersersussavatit:

  • Meeqqanut Inuusuttuaqqanullu sumiginnakkanut angalatitsinerit asiliartitsinerillu. Assersuutigalugu Kapisilinni illutsinnut angalatitsinerit danamrkimullu aasaanerani feeriarnerit.
  • Meeqqanut kaattunut nerisitsisarnerit
  • Meeqqanut inuusuttuaqqanullu sumiginnakkanut siunnersuisarnerit aqqutissiuisarnerillu
  • Meeqqanik inuusuttuaqqaillu sumiginnakkanik tarnikkut katsorsaasarnerit, nalileruisarnerillu.
  • Meeqqanik inuusuttuaqqanillu sumiginnakkanik sullissisutsinnik aammalu allani sulisuni pikkorissaatitsisarnerit ilinniaqqitsitsisarnerillu.
  • Meeqqanik Inuusuttuaqqanillu sumiginnaanermik pinaveersaartitsineq
  • Meeqqanik Inuusuttuaqqanillu sumiginnaaneq pillugu ilisimatusarnermut tunngatillugu ilassutissiisarneq suleqateqartarnerlu.

Kingornussisussanngortitsinerit atorluarneqartarput.

Suliffeqarfittut inunnik ikiuiniarnermik tunngaveqartuunerput pissutigalugu nunatsinni akileraarutitsigut tapinullu tunngatillugu aaqqiissuteqarfigineqarpugut. Tamannalu isumaqarpoq kingornutassiissutit Mælkebøttecenterimut attuumassutillit akileraarutaaneq ajormata, tamannalu isumaqarpoq aningaasat kingornutassiissutigineqartut tamarmik suliniutitsinnut atorneqartarmata.

Siunnersuineq

Mælkebøttecenterip inatsisilerituut Nuna Advokater isumaqatigiissusioqatiginikuuai, taakkulu akeqanngitsumik Mælkebøttecenteri kingornussisussatut eqqarsaatigigukku kingornussassarsiinissamut siunnersuisinnaapput, siunnersortinneq kingornussisussanngortitsinissamut pituttuisuunngilaq.

Kingornussisussanngortitsisinnaanermut periarfissat pillugit paasissutissanik annerusunik paasisaqarusukkuit ukununnga saaffigisinnaavatsigut: This email address is being protected from spambots. You need JavaScript enabled to view it., imaluunniit oqarasuaat 381955-mut sianerlutit. Nuna Advokaatit aamma toqqaannartumik uunga saaffigisinnaavatit:  This email address is being protected from spambots. You need JavaScript enabled to view it.  imaluunniit oqarasuaammut 321370 sianerlutit Charlotte Pedersen apeqqutigisinnaavat.