Mælkebøttenip ilisarnaatigivaa sammisassaqartitsiviugami kikkunnut tamanut inissaqartitsisoq. Inimi allermi  inuusuttuaqqanut caféqarpoq, internetcaféqarluni, nipilersortarfeqarluni kiisalu assassornermik imaluunniit nutaaliornermik sammisassaqartitsiveqarluni.

Tassani cykkililerisoqarlunilu qisulerisoqarsinnaavoq. Titartaasoqarsinnaavoq, sapangaaqqerisoqarsinnaavoq, pinnersaasiortoqarsinnaavoq mersortoqarsinnaallunilu. Inersuaqarportaaq timigissarnermut, isiginnaartitsinermut pissanganartuliornermullu atorneqarsinnaasumik.

Maj-imilu meeqqanut iggavik ammarneqassaaq, tassani meeqqat kaattut nerisinneqartassallutik.

Ornittagaq meeqqanut tamanut ammavoq, taamaammat meeqqat nukissallit isumalluuteqartut aamma illumut isertarput, ataatsimooqatigiinermullu ilaallutik.

Meeqqallu taakku meeqqat atugassaannik nalinginnaasunik atugaqartut paasisarpaat meeqqat ilaat atugarliortuusut, tassuunalu paasisarlugu meeqqat atugarliortut immikkut aalluttariaqartuusut, ikinngutaalluarnerlu iluaqutaarsartoq.

Ornittagaq ullut tamaasa nal. 14.00 - 21.00 ammasarpoq.
 
1. sal-imi ulloq unnuarlu inissaqartitsiviuvoq. Taanna igaffeqarpoq nerisarfiutigisumik, ini isersimaartarfik, ineeqqat unnuiffiusartut allaffillu. Ulloq unnuarlu inissaqartitsivik meeqqanut 9-nut unnuisunut inissaqarpoq, illullu ilagaa toqqissisimanarnerulluni, inillu aaqqissuunneri angerlarsimaarfippalaartuutinneqarput.

dognafd1

Uagutsinnut pingaartuusimavoq nuannaarnermut inuunermillu misigisitsisumik inissaqartitsinissaq, kisianni aamma nipaallisimaarfissaqarnissamut, isumassuinissamut isumaliorluarnissamullu inissaqarportaaq.

Meeqqat Mælkebøttenimut inissinneqarsimasut inunnik isumaginninnikkut tarnimillu immikkut ilisimasallip nassuiaateqarfiginissaanut meeqqallu ajunnginnerpaamik sullinneqarnissaa anguniarlugu  meeqqap attaveqarfigisartagai, atuarfik, fritidshjemmi, angajoqqaat inunnillu isumaginninnermik allattoqarfik suleqatigineqartarput.

Anguniagaasarpoq meeraq aggerfimminiit ajunnginnerusumut ingerlaqqinnissaa, taamaalilluni ilaqutariit pissusitoqaanniit qimagunniassammat.