Mælkebøttecenterip suliffeqarfiutaani siunertat aaliangersimaqqissaartut pingaarnersat ukuupput:
- Pissusitoqqanik allannguisinnaasunngortitsineq
- Imminoortarnernik pinaveersaartitsineq
- Kinguaassiutitigut atornerluisarnernik pinaveersaartitsineq
- Inuusuttuaqqat akornanni pinerlunnissamik pinaveersaartitsineq
Meeqqat ilukkut nukittorsarnissaat peqataaffigivarput taamaalillutik pitsaanerusumik ulluinnarni inuuneqalissammata, ilaqutariillu pissusitoqaannik aniguisillugit.
Siunertat ilagilluinnarpaat meeqqat inuusuttuaqqallu sumiginnakkat pitsaanerusumik atugaqartilernissaat, kiisalu suli sumiginnarneqarnissaat pinaveersaartinniarlugu. Suliniummi inuit inooqatigiinnermi atukkat pitsaanngitsut tarnikkullu atukkat pitsaanngitsut kinguaariit atugarisartagaat kipinissaannut suleqataaneq.
Tunngaviusumik pingaartitat
Mælkebøttecenterimi sulinermi pingaartitat qitiutinneqartut tassaapput
- Oqaloqatigiinneq
- Inuttut ataqqeqatigiinneq
- Akerleriinnerillu aaqqinneqartarneri
meeqqat ilinniartinniarsarisarpagut nakuuserneq atornagu oqaatsilli atorneqassasut – soorlu pimmatiginninneq centerip immikkoortortaani inerteqqutaavoq, meeqqalu akornanni akerleriissutinik aaqqiiniarneq sulissutigisorujussuuvarput, tassami Mælkebøttenimi kikkunnut tamanut inissaqarpoq. Inersimasut tatiginartuupput, inersimasut isumassuisut sumiiffimmi tarnikkullu qanilaartut, oqaloqatigiinnissamut tusarnaarnissamut ikasarnissamullu piffissaqartuaannartut.
Perorsaanermi sulinikkut immikkut pisariaqartinneqartut tunngavigineqartarput (qanilaarneq, isumassuineq, aaliangersimasumik periuseqarneq, qanoq pisoqarnissaanik ilisimasaqartuaannarneq, uppernassuseq, tatiginassuseq, tusarnaarsinnaanerlu), taakkuummata meeqqat inuusuttuaqqallu sumiginnakkat atorfissaqartitaat.
Meeqqat ilaqutariinnit nukissaqarluartuneersut Mælkebøttip ornittagartaannukartartut ataatsimoorfinni tassani aamma inissaqartinneqarput. Meeqqat ilaqutariinnit nukissaqarluartuneersut atukkat allaanerusut paasisarpaat, tassa meeqqat tamarmik atugarissaartuunngitsut.
Mælkebøttecentrimi anguniakkat takorluukkallu makkuupput:
Mælkebøttecenterimi anguniakkat aalajangersimasut tassaapput:
- Toqqissisimaneq: Meeqqat inuusuttullu asanninnermik, toqqissisimanermik killiliisinnaanermillu takutinnissaat.
- Ataatsimoorneq: Meeqqat pingaaruteqartutut atorfissaqartinneqartutullu misigitinnissaat
- Kinaassuseq: Meeqqat inuusuttullu atugarisaasa oqimaassinnaasut atoruminaassinnaasullu ammasumik pissuseqarfiginissaat akuerineqartutullu misigitinnissaat.
- Tatiginassuseq: Meeqqat inuusuttullu tunngaviusumik inersimasunik tatiginnissinnaalersinnissaat aammalu ikiortissaqartuaannarneranik ilitsersuunneqarnissaat.
- Akuerineqarneq: Meeqqat inuusuttullu namminneq ullormik ingerlanissaanut atorfissaqartitanik piumasanillu oqariartuuteqarnikkut sunniuteqaqataasinnaanerannut periarfissinneqarnissaat.
- Akisussaassuseq: Meeqqat akisussaassusermik tigusisinnaalernissaannik ilinniartinneqassapput, isumaqatigiissutaasunik atuutsitsisinnaanissaannik, tatiginartuunissaannik aammalu ikinngutaalluartuunissaannik ilitsersuunneqassallutik.