Juullimi Inuulluaqqussut 2023

Jul2023

Nuukkap tour 2023

Nutaarsiassat December 2023

Mælkebøttecenterimi kinguaariit nikinnerat

Direktøritta Kirsten Ørgaard-ip sulisut tamaasa peqatigalugit ukiut 15-it sinnerlugit, Meeqqat Inuusuttuaqqallu illuat Mælkebøtten, pitsaasumik ineriartortitarisimavaa ullumikkut ”Mælkebøtttecenteri” pigilersimallutigu.

Mælkebøttecenteri suliffeqarfiit/suliaqarfiillu allat assigalugit, siunissamut periusissanik takorluukkanillu suliaqarlunilu qulakkeerinninniartarpoq – taamaammallu piffissaagallartillugu, isumaqatigiissutit iliuusissallu pitsaasut qulakkeerniarneqartarput, aamma siuuttoqarnikkut. Massakkullu kinguaariit nikinnissaannut pissusissamisoortumik piffissanngorsimavoq.

Mælkebøttecenterimi ulluinnarni ingerlatsinitsinni qanittukkut siunissaq ungasinnerusoq isigalugu isumaqatigiissuteqarpugut, Mælkebøttecenterip siunissami ukiorpassuarni pitsaasumik ineriartornissaanut qulakkeerisussamik.

Oqaluttuarisaanerput sivikinneq eqqarsaatigalugu qanittukkut, Kirsten Ørgaard aamma siulersuisut 2017-imi, ”kinguaariit nikinnissaat” eqqarsaatigalugu periusissiornissaq oqallisigilersimavaat.

Aalajangerpugut isumaqatigiilluta periuseqassalluta paaserusullugu, qanoq, qaqugu kimullu Mælkebøttecenterimi aqutsisunngornissaq pillugu isumaqatigiissuteqarsinnaassalluta, 2023-imi atuutilersussamik.

Suliaq tamanna soqutiginarluinnarsimavoq, nuannaaqaagullu nalunaarutigisinnaanngoratsigu, pisortatut Kirsten Ørgaardip taartissaa isumaqatigiissuteqarfigigatsigu aammalu Kirsten Ørgaard nutaamik isumaqatigiissuteqarfigalugu, siunissami meeqqanut Mælkebøttecenterimullu pingaarutilinnik suliaqarnissaa pillugu.

Matumuuna siulersuisunit Mælkebøttecenterip pisortassaa ilisaritissavarput – ukiorpassuarni suleqaterput Nuka Fleischer – januarip aallaqqaataani 2023-imi Mælkebøttecenterimi pisortatut sulilersussaq. Soqutiginnittut Nuka sunik tunuliaqutaqarnersoq misilittagaqarnersorlu nittartakkatsinni www.mb.gl-imi atuarsinnaavaat.

Kirsten Ørgaard-ip Mælkebøttecenterimi sulinini nangissavaa, atorfimmi nutaatut pilersinneqartumi Siunnersortaanertut (seniorkonsulent).

Kirsten Ørgaard suliassarpassuarnik suliakkerneqassaaq; salliutilluguli suliassaq pingaartoq tassaasoq Danmarkimi aningaasaateqarfippassuit, nutaat aningaasaateqarfiillu attavigisatta ukiut ingerlaneranni naliitsumik Mælkebøttecenterip piuneranut ineriartortinneqarneranullu qulakkeerinissimasut, attavigiuarnissaat qulakkiissallugu isumagissallugulu. Tamatuma saniatigut Mælkebøttecenteri pillugu saqqummiussisarnissaq aamma Mælkebøttecenterip suliniutitut aallarnisartagaanut inerisartagaanullu tapersersuisassalluni. Kirsten siulersuisunut akisussaassuussaaq Danmarkimilu sulissalluni.

Kalaallit Nunaanni meeqqat inuusuttuaqqallu sumiginnagaasimasut pillugit suliniuteqarnermi pingaaruteqarluinnartumi Kirsten Nukalu piumassuseqarluarlutik malunnaatilimmik inissisimapput, upernaamilu 2023-imi pisortatigoortumik Kinguaariit Nikinnerat pillugu Nuummi malunnartitsisoqassaaq. Qaaqqusissut attaveqatigiittarfikkut tusagassiorfitsigullu nittarsaanneqarumaarpoq.