Mælkebøttecenterip immikkoortortaanut inissiinermi periuuserineqartartut

Inissiinerni, angerlartitsinermi qanorlu ikiuinissamut aaliaangiisarnerit

Kommuunit oqartussatut inatsisitigut pisinnaatitaapput iniissinissamut aaliangiisinnaasutut, inissinneqarfimmik allannguinissamut kiisalu meeqqat inuusuttuaqqallu Mælkebøttecenterip immikkoortortaqarfiiniit angerlartitsinissamut aamma meeqqanut inuusuttuaqqanullu taakkununnga qanoq ikiunissaq, takuuk Meeqqanik inuusuttunillu ikiorsiisarneq pillugu Inatsisartut peqqussutaat nr. 1, 15. april 2003-meersoq

Mælkebøttenip inunnik isumaginnittup tarnillu pissusiinik ilisimasallip nassuiaaneri naapertorlugit meeraq Mælkebøttecenterip immikkoortuisa ilaanut nuullugu inissinneqassappat, tamanna pisinnaavoq meeqqap sagsbehandleria isumaqatigiissuteqarfigineratigut.

Inissiinissamik kissateqarneq nalilersuinerlu

Kommuuni kissaateqarpat meeraq Mælkebøttecenterip immikkoortortaasa ilaannut inissinneqassasoq, immersugassaq aaliangersimasoq immersorneqassaaq, saaffiginnissullu mailikkut centeriup nalilersuisartuisa ilaannut nassiullugu, paasissutissat uku piumasarisaapput: meeqqap atia, ukiui, inissinneqarnissaanut peqqutaatinneqartut, qanoq sivisutigisumik inissinneqarsimanissaanik naatsorsuutigisaq paasissutissallu allat pineqartumut attuumassuteqarsinnaasut, naliliisartut ukuupput:

  • Pisortaaneq, Nuka Fleischer This email address is being protected from spambots. You need JavaScript enabled to view it.
  • Aqutsisoq, Mælkebøtten Edith Nordbeck This email address is being protected from spambots. You need JavaScript enabled to view it.
  • Aqutsisoq, Ilasiaq Lena Kielsen This email address is being protected from spambots. You need JavaScript enabled to view it.
  • Aqutsisoq, Allu Pilu Noahsen This email address is being protected from spambots. You need JavaScript enabled to view it.

Mælkebøttecenteri immersugassamik sananikuuvoq qulaani pineqartunik allatuivissalerlugu. Paasissu­tissat aallaavigalugit naliliisartut nalilersussavaat Mælkebøttecenterip neqeroorutai meeqqap inissinneqartussap pisariaqartitaanik naammassissinnaanersoq. Naliliisartut aaliangertarpaat meeraq Mælkebøttecenterip immikkoortortaqarfiisa ilaannut inissinneqassanersoq, sukkasuumillu akissuteqarnissaq isumagalugu. Ulikkaaqqanera peqqutigalugu inissaqanngippat, meeraq inissinneqarnissamut utaqqisutut allanneqassaaq.

Immersugassaq ugguuna pdf-inngorlugu pissarisarisinnaavat, imaluunniit ugguuna immersuinikkut.

Kommuunittaaq akisussaaffigaa meeqqap inissinneqarnerani atorfissaqartitai nassarneqassasut, soorlu atisat, inuttut eqqiluisaarnermut atortut, immaqalu nakorsaatit, atuagaasivik, atuakkat aamma immaqa bamsi nuannarinerpaasaa.

Inissiisoqartinnagu kommuuni inissiisitsisoq Mælkebøttecenterilu peqatigiillutik iliuusissatut suliassat, naatsorsuutigisat, suliassat aaliangersimasut suullu immikkut meeqqami eqqarsaatigisariaqarnersut pillugit pilersaarusiortoqartarpoq – angajoq­qaanik naapeqateqarnissaq isumaqatigiissutigineqartarpoq, atuarneranni ikorfartuineq, allalluunniit eqqarsaatigisariaqakkat, tassani sagsbehandleri iliuusissatut pilersaarummik nassiussisarpoq. Inissiineq pitinnagu ataatsimeeqatigiissinnaanngikkaanni, inissiinerup kinguninngua ataatsimiittoqassaaq. Ataatsimiinnerit skype-kkut imaluunniit oqarasuaatikkut pisinnaavoq.

Sagsbehandleri pingaarnertut angajoqqaanut atassuteqartuuvoq aammalu akisus­saasuulluni inissiinissamut isumaqatigiissuteqarnissaq, qanorlu meeqqap angajoqqaavisalu akornanni attaveqaqatigiittoqartigissanersoq. Angajoqqaat meerartik sianerfigisinnaavaat imaluunniit pulaarsinnaavat, tamannali aatsaat pisinnaavoq sagsbehandleri isumaqatigiissuteqarfigeqqaarlugu. Angajoqqaanit taamatut saaffiginnittoqartillugu tunngaviusumik kommunip inunnik isumaginninnermik allafeqarfianut saaffiginneqquneqartarput. Sagsbehadlerili periarfissaqarpoq Mælkebøttecenteri angajoqqaat meeqqaminnik naapeqateqarnissaannut attaveqarfigineqarnissaanut isumaqatigiissuteqarnissaanullu piginnaatitsisinnissaanik.

Mælkebøttecenterilli inissiinerup kingorna paasippagu sullitassap, meeqqap, pisariaqartitai centerip suliarisinnaasaasa iluaniinngippat, kommuuni inissiisoq suleqatigalugu meeqqamut naleqqunnerusumik ujarlissapput. Meeqqap pisariaqartitai sulisorisatigut immikkut pisariaqartitsippat, taava kommuuni inissiisoq qinnuteqarfigisinnaavaa immikkut aningaasartuutissanut matussusissiinissamut qinnuteqaateqarfigissallugu.

Allatsinneq

Isumaqatigiissuteqarnikkut kommuuni inissiiniartup sagsbehandleria immaqalu angajoqqaat peqatigalugit Mælkebøttecenterip immikkoortortaqarfiinut meeqqap inissinneqarfissaanut tunniussissapput. Allatsinnissamut pappiaqqat kiisalu meeqqap suut nassasanerai immikkoortortaqarfik peqatigalugu immersorneqassapput. Allatsinnermut akiliutissat immikkut isumaqatigiissutigineqassapput. Meeqqap nakorsaatit suut atugarinerai, suullu sapigaqarfiginerai imaluunniit nappaatit allat suugaluarnersut ilutigalugu nalunaarutigineqassapput. Mælkebøttenilu meeqqamut sulisumik pingaarnertut pingaarnerullu tulliatut attaveqartarfissatut toqqaasarput.