Mælkebøttecenterimut tapersersortinngorit- Suliffeqarfittut tapersersorti

Suliffeqarfittut tapersersortinngoritsi Suliffeqarfiit/suliffeqarfissi Mælkebøttecenterimut tapersersortinngorsinnaavoq.

Suliffeqarfiup ukiumut tapersersortitut tapiutissaasa annertussusaat:

USD 838,-

EURO 672,-

DKK 5000,-

 

Tapersersortinngornikkut suut tapersersussavigit?

Tapersersuinikkut nunatsinni meeqqat inuusuttuaqqallu sumiginnakkat ikoirneqarnissaat tapersersussavat. Assersuutigalugu ornittagarisaat tapersersorsinnaavat. Tassami meerarassuit angerlarsimaffimmi ernguttoqartillugu, eqqissiviilliortoqartillugu, eqqissiviilliortoqartillugu atornerluisoqartillugulu tassunga ikiortissarsiorsinnaammata. Tapersersortinngornikkut makku tapiiffigeqataasinnaavatit:

  • Meeqqat Inuusuttullu illuat Mælkebøtti (Inneruulaq), marlunnik immikkoortortaqartoq: Meeqqanut tamanut sunngiffimmi ornittagaq taavalu ulloq unnuarlu angerlarsimaffik, meeqqanut qulaaluanut inissaqartoq, uani atuarsinnaavat
  • Najugaqarfik Ilasiaq, uani takuuk
  • Najugaqarfik Allu, uani takuuk
  • Meeqqat iggaviat, uani takuuk

Immikkoortortagut suliniutigisagullu tapersersornerisigut, assersuutigalugit makku tapersersussavatit:

  • Meeqqanut Inuusuttuaqqanullu sumiginnakkanut angalatitsinerit asiliartitsinerillu. Assersuutigalugu Kapisilinni illutsinnut angalatitsinerit danamrkimullu aasaanerani feeriarnerit.
  • Meeqqanut kaattunut nerisitsisarnerit
  • Meeqqanut inuusuttuaqqanullu sumiginnakkanut siunnersuisarnerit aqqutissiuisarnerillu
  • Meeqqanik inuusuttuaqqaillu sumiginnakkanik tarnikkut katsorsaasarnerit, nalileruisarnerillu.
  • Meeqqanik inuusuttuaqqanillu sumiginnakkanik sullissisutsinnik aammalu allani sulisuni pikkorissaatitsisarnerit ilinniaqqitsitsisarnerillu.
  • Meeqqanik Inuusuttuaqqanillu sumiginnaanermik pinaveersaartitsineq
  • Meeqqanik Inuusuttuaqqanillu sumiginnaaneq pillugu ilisimatusarnermut tunngatillugu ilassutissiisarneq suleqateqartarnerlu.

Tapersersortiujunnaarusukkuit qaqugukkulluunniit tapersersortiunerit atorunnaarsissinnaavat. Ajoraluartumilli ukiup sinneranut akiliutigisimasatit utertissinnaanngilagut.

 

Qanoq akiliissaanga?

Akiliineq makku atorlugit akilerneqarsinnaavoq:

  • PBS-ikkut, uuma immersorneratigut
  • Paypal-ikkut

    Illit aamma akisussaaffimmik tiguseqataallutit allanngueqataarusuppit? Taava Mælkebøttecenterimut aningaasanik tapersersuillutit tunisigit.

    Aningaasat angissusaat:


  • Imaluunniit netbankikkut: Grønlandsbankimi konto : 6471-7774777
  • IBAN nr.: GL5764710007774777 SWIFT: GRENGLGX